 |
 |
|
|
بهشداری شاندی PAK له فستیڤالی گهلاوێژ
رۆژی پێنجشهممه 20/11/2008 دوازدهههمین فیستیڤاڵی گهلاوێژ به دروشمی:" گهلاوێژ سهکۆی هاوبهشی کولتوره جیاوازهکانه"،له ژێر چاودێری بهڕێز مام جهلال سهرۆک کۆماری عێراقی فیدڕاڵ و سکرتێری گشتی یهکێتی نیشتیمانی کوردستان دهستی پێکرد. لهسهر بانگهێشتی سهرپهرشتیاری گشتیی ڤێستیڤاڵ شاندێکی پارتی ئازادیی کوردستان به سهرۆکایهتی بهڕێز حسهین یهزدانپهنا جێگری سهرۆکی پارتی ئازادیی کوردستان بهشدارییان له رێوڕهسمی کردنهوهی دوازدهههمین فستیڤاڵی گهلاوێژ دا کرد و له لایان بهڕێز مهلا بهختیار ئهندامی مهکتهبی سیاسی یهکێتی نیشتمانی کوردستان و سهرپهرشتیاری گشتی فستیڤاڵهکه به گهرمی پێشوازیی لێکرا. رێوڕهسمی کردنهوهی فستیڤاڵهکه به ساتێک بێدهنگی بۆ گیانی شههیدانی کورد و کوردستان و سرودی ئهی رهقیب دهستی پێکرد . پاشان وتاری سهرپهرشتیاری گشتی فێستیڤاڵ له لایان بهڕێز مهلا بهختیار پێشکهشکرا. دواتر وتاری ههریهک له دوکتور جهلال ماشت راوێژکاری رۆشنبیری سهرۆک کۆماری عێڕاق و د. بهرههم ساڵح جێگری سکرتێری یهکێتی نیشتیمانی کوردستان و فهلهکهدین کاکهیی وهزیری رۆشنبیری حکومهتی کوردستان پێشکهش کرا. له درێژهی پرۆگرامی کردنهوهی فێستیڤاڵهکهدا بروسکهی نوێنهری میوانه عهرهبهکان و دهقیكی شێعری له لایان قوباد جهلیزاده و چهند پارچه مۆسیقایهک له لایان تیپی مۆزیکی "ههوایی" و دوو گۆرانی به دهنگی هونهرمهند " تارا رهسووڵ " و تابلۆیهکی ههڵپهڕکێ تیپی ههنهریی"میللی" پێشکهش کرا. شایانی باسه ئهمساڵیش وهک ساڵانی رابردوو ژمارهیکی زۆر له نووسهران و شاعێران له رۆژههڵاتی کوردستانهوه بۆ بهشداری لهو فستیڤاڵه بانگهێشت کرابوون، بهڵام کاربهدهستانی کۆماری ئیسلامی رێگایان پێنهدابوون خۆ بگهێننه ئهو فستیڤاڵه. ههر بهمبونهیهوه بهڕێز کاک عهلی قازی محهمهد سهرۆکی پارتی ئازادیی کوردستان، پهیامێکی پیرۆزبایی ئاراستهی سهرپهرشتیاری گشتی و لێژنهی باڵای فستیڤاڵ و سهرۆکی بنکهی ئهدهبی و روناکبیری گهلاوێژ کرد که دهقهکهی بهمجۆرهیه: "بهڕێز سهرپهرشتیاری گشتیی فستیڤاڵی گهلاوێژ بهڕیز لێژنهی باڵای فستیڤاڵ بهڕێز سهرۆکی بنکهی ئهدهبی و روناکبیریی گهلاوێژ" بهسڵاوێکی برایانهوه، بهناوی خۆم و ههڤاڵانم له پارتی ئازادیی کوردستان، بهبۆنهی پێکهێنانی دووازدهههمین فستیڤاڵی گهلاوێژ، پیرۆزبایی و دهسخۆشییهکی گهرمتان پێشکهش دهکهین. بنکهی ئهدهبی و رووناکبیری گهلاوێژ بێجگه له بهرزڕاگرتنی ئهو تێکۆشانه ئهدهبییهی که له سهردهمانی ڕابردوودا به پێشهنگی مامۆستا ئیبراهیم ئهحمهدی نهمر بهڕێوهچووه، له دامهزرانیهوه تا ئهمڕۆ دهورێکی دیاری له بزاڤی ئهدهبی و ڕووناکبیری کوردستاندا گێڕاوه و پیشهنگی چهندین بنکه و دامهزراوهی وێژهیی بووه. له سهرهوهی کارو چالاکییهکانی ئهم بنکهیه، پێکهێنان و بهڕێوهبردنی فستیڤاڵی ساڵانهی گهلاوێژه که دهبێته مهکۆی بهیهک گهیشتنی ئهدیبان و نووسهران و لێکۆڵهوهرانی کورد و دراوسێکانی و، گوڕوتین دهداته ئههلی قهڵهم بۆ خوڵقاندن و داهێنان. ئێمه له پارتی ئازادیی کوردستان، به بایهخهوه دهڕوانینه ئهم دهورهی که بنکهی ئهدهبی و ڕووناکبیری گهلاوێژ دهیگێڕێ و ئاواتی سهرکهوتنی دووازدهههمین فستیڤاڵی گهلاوێژ دهخوازین و پیرۆزباییش له ههموو نووسهران و خامهبهدهستانی نهتهوهکهمان دهکهین." پارتی ئازادیی کوردستان کۆمیتهی راگهیاندن 22/11/2008 |
||
|
|
|
|
|
ناکۆکیی و پڕش و بڵاویی بڕستی له بزوتنهوهی ئێمه بڕیوه
دیمانهی ماڵپهڕی رێنێسانس له گهڵ بهڕێز حسهین یهزدانپهنا جێگری سهرۆکی PAK سهبارهت به پڕۆژه پێشنیارى پێکهێنانى "ئهنجومهنى ههماههنگیى سیاسیى ڕۆژههڵاتى کوردستان" سازدانی: محهمهد چاوشین ئهوپێشنیارهتان بهكوێ گهیشت وتاچهند هێزولایهنهسیاسیهكانی ڕۆژههڵات بهدهنگ پێشنیارهكهتهوه هاتن؟ئایا هیوات بهوهههیه كه پڕۆژهكهت سهربگرێ وبهبن بهست نهگات؟ بۆ ئێمه گرینگ بوو که ئهو پرۆژه پێشنیاره له بهینی حیزبهکاندا قهتیس نهمێنێ و به ئاگاداریی بیروڕای گشتی و تاکهکان بگا. ههروهها حیزب و لایهنهکانیش بهرادهی پێویست کاتیان بۆ ههڵسهنگاندنی ههبێ. تا ئهو جێگایهی بۆ تاکهکان و کهسایهتییه سهربهخۆکان دهگهرێتهوه له ناوخۆ و دهرهوهی وڵات ههر کهس خوێندویهتهوه، پێی باش بووه و بهههنگاوێکی بنبهست شکێنی داناوه. تهنانهت کهسایهتی دیار و به ئهزموونی پارچهکانی دیکهی کوردستانیش پشتیوانییان لێکردووه و بهشتێکی باشیان داناوه. ئهوهندهش که بۆ ههڵوێستی حیزبه سیاسییهکانی رۆژههڵاتی کوردستان دهگهڕێتهوه، له نێو ئێمهدا نهریت ئهوهنییه پشتیوانی له پێشنیار و داهێنان و کار و بیری باشی یهکتر بکهین. ئێمه خۆمان وهك PAK حهولمان داوه ئهو نهریته بشکێنین و پێشوازی له کار و پرۆژه و پێشنیاری باشی حیزبهکان و کهسایهتییهکان بکهین. تا ئێستا تهنیا سکرتێری پارتی سهربهستی کوردستان به نووسینی بابهتێك پشتیوانی حیزبهکهی لهو پێشنیاره دهربڕیوه. له عهینی کاتیشدا هیچ حیزبێك تا ئێستا له دژی ئهو پڕۆژه پێشنیارییه شتێکی رانهگهیاندووه. ئهوهش ههر باشه و رێگا دێڵێتهوه بۆ باس و تاوتوێ کردنی پرۆژرکه. ئێمه ههر لهم رۆژانهدا بۆ ئهم مهبهسته به شێوهی فهرمیی پێوهندیی به ههموو حیزبه سیاسییهکانهوه دهکهین. ئاواته خوازم، ئهم پڕۆژهیه یان ههر پرۆژهیهکی دیکه بۆ هاوکاریی، بکرێته بنهمایهک بۆ گفتوگۆ لهمهڕ ئهو پرسه و دۆزینهوه و دانانی میکانیزمێك بۆ دروستکردنی سهنتهری ههماههنگی و بریاری سیاسیی. من ههمیشه به هیواوه ژیاوم. بێ هیوایی له مندا بوونی نییه. خۆ ئهگهر ئهوهش سهر نهگرێ وازناهێنم. گوڕوتینی لاوێتی خۆم و توانای PAK دهخهمه خزمهت یهکێتی نێوان تێکۆشهرانی کوردهوه. ناکۆکیی و پڕش و بڵاوی بڕستی له بزوتنهوهی ئێمه بڕیوه و پڕستیژی سیاسیی حیزبهکانی لاواز کردوه. دهبێ له شوێنێکدا کۆتایی بهم دۆخه بێ. پرسیار: باس لهوه دهكرێت كه بهڕێزتان لهپێكهێنانی بهرهیهكی كوردستانی لهناوهێزهكانی ڕۆژههڵات بێ هیوابوون بۆیه پێشنیارێكی لهم چهشنهتان هێناوهته بهرباس وگفتوگۆوه؟ جا بۆیه مادام، بارودۆخهکه وایه، دهکرێ و دهشێ چارهسهرکردنی گیروگرفتی نێوان حیزبهکان به زهمان و رهوتی روداوهکان و حهوڵی هێمنانه و له سهرخۆی دڵسۆزان بسپێرین. بهڵام بۆشایی نهبوونی سهنتهرێکی ههماههنگی و بریاری سیاسیی به ئهنجومهنێك له کهسایهتییهکان پڕ کهینهوه. ئهنجومهنێکی لهو جۆرهی ئێمه پێشنیارمان کردووه، له رووی کهسایهتی حقوقییهوه له حیزبهکان جیاواز دهبێ و دهزگا و دهستهی یهکگرتووی حیزبهکان نییهو ئهسڵهن ناوێك له هیچ حیزبێك و له به ستراوهیی هیچ کهسێ به حیزبێك نابێ. تا ئێستا دوو نمونهمان ههیه که هاوکاریی و هاوههلوێستی تێدا بووه، بهبێ ئهوهی ناوی هیچ حیزبێکی تێدا بێ. له کۆنگرهی ئهم دواییانهی ئهنترناسیونالی سوسیالیست دا له یۆنان حیزبی دێموکراتی کوردستانی ئێران و حیزبی دێموکراتی کوردستان و کۆمهڵهی شۆڕشگێری زهحمهتکێشانی کوردستانی ئێران بهشدار بوون. ئهوان رێک نهکهوتبوون که پێکهوه نامهیهک واژۆبکهن که ناوی یهکبهیهکی حیزبهکانی تێدابێ. سهرهنجام ئهو بڕیاره جوانهیان دا بوو که بنووسرێ: "حیزبه کوردییهکانی بهشدار له کۆنگرهی ئهنترناسیۆنالی سۆسیالیست". دهی باشه ئهوه چوار رۆژی دیکه کۆمهڵهی زهحمهتکێشانی کوردستانیش بهشدار دهبێ لهو رێکخراوهدا. نمونهی دیکهی ئهوه بوو که له بهرهبهری 28 گهلاوێژدا به بۆنهی 29ههمین ساڵوهگهڕی جیهاد دژی نهتهوهی کورد له رۆژههڵاتی کوردستان، دهمانویست پێکهوه ههر به ناوی " حیزبهکانی رۆژههڵاتی کوردستان" بهیاننامهیهکی هاوبهش دهربکهین. |
||
|
|
|
|
|
بهتۆمهتی سێكس كردن بهرپرسانی ئێران دوو درهخت سهردهبڕن
PAZADIK:بهبیانووی ئهوهی كه دیمهنهكهیان پێچهوانهی بنهماكانی ئایینی ئیسلامه، بڕیاری بڕینهوهی دوو دار زهیتون له ئێران دهدرێت. رۆژنامهی (ئیعتیماد)ی چاپی تاران بڵاوی كردهوه، بهرپرسانی ههرێمی (رهزوان شههر)ی ئێران، بڕیاریان دا دوو دار زیتوون ببڕنهوه، كه بههۆی تێپهڕبوونی كاتهوه، قهدهكانیان لهیهك ئاڵابوونو، له دیمهنی دوو مرۆڤـ دهچوون، كه باوهشیان كردبێت بهیهكدا. ههرچهنده ئهو دوو داره، تهمهنیان نزیكهی 200 ساڵ دهبوو، بهڵام بهرپرسانی ههرێمی (رهزوان شههر) پێداگرییان لهسهر ئهوه دهكرد، كه ئهو دوو دارزهیتوونه، دیمهنێكی سێكییان دروست كردووهو پێویسته ببردرێنهوه. ئاوێنه... |
||
|
|
|
|
|
دهقی وتهکانی بهڕێز حسهین یهزدانپهنا جێگری سهرۆکی PAK له فستیڤاڵی رێزگرتن له شاعیری کورد مامۆستا هێدی
|
||
|
|
|
|
|
ههڵوێستی لێبڕاوانه و ئاکامی نامهسئولانه ................... ههڵۆ رهمشتی
PAZADIK: ماوهیهک بۆ ئهوهی کێشه سیاسییهکانی کورد له رۆژههڵاتی کوردستان چارهسهر بکرێت و گوایه سهردهمی لهیهک تێنهگهیشتن کۆتایی پێ هاتووه. مهسهلهی بهر باسی کۆبوونهوه و دانیشتنهکانی ئهحزابی رۆژههڵاتی کوردستان، بهگشتی تاوتویکردنی باسی بهرهی کوردستانی بوو، ههرکام به نۆبهی خۆیان به باشترێن ههڵوێست پێخۆشبوونی خۆیان له سهر یهکگرتن و تووڕدانی پهرتهوازهیی دهربڕی، بهڵام له چوارچێوهی بارهگای خۆیاندا. جێی داخ بوو ههر ئهوهنده که باسهکه له چوار چێوهی ههڵوێست هاته دهرهوه و چووه چێوهی پراکتیک و کاری هاوبهشهوه، موعادلهکه گۆڕا، ههرکام به نۆبهی خۆیان بۆچوونی تایبهتیان ههبوو له سهر ئهوهی که نابێت بهم ناوه بێت دهبێ ئهو ناوه بێت، ێ وێژدانی نهبێت له حهقی ههندێک لهو حیزب نهتهوهییانهی هاتنه گۆڕهپانهکهوه و پێشووازییان له کارکردن بۆ پێکهێنانی بهره کرد، ههندێک که نههاتن بوونه هۆی پهک خستننی دروستبوونی ئهو هاوکارییه یا ئهوه بهرهیه. جا قازانج و زهرهری ئهو مهسهلهیه له کام لاوه سهر دهردهکات شتێکی نادیار نییه. که دهڵێین "بهرهی کوردستانی" له ناوهکهیدا دیاره پیکهاتهیهک که خهڵێکی نهتهوهیی، له کهسایهتی سیاسی و مهدهنی وباقی چینهکانی کۆمهڵگای کوردستان که پێکهوه هاو ئاههنگ و هاو ههڵوێست دهبن له بهرانبهر دوژمنانی کوردستاندا، یانی ههموو تێکڕا تێیدان نهک ئهوهی خاوهنی بن. بهڵام لای ئێمه زۆرتر بهره لهدهست و پای حیزبهکاندا خۆی دیتووهتهوه و کهمتره بووه تاکه سهربهخۆهکان بهشداریی گفتوگۆهکان بووبێتن. |
||
|
|
|
|||||
|
||||||
|
|
|
||||
|
|||||
|
|
|
|
|
|
|
|
|
یهکێتی ئوروپا داوای راگرتنی حوکمی ئیعدامی5 ههڵسووڕی کوردی کرد
PAZADIK: بهپێی ههواڵی رادیۆ "فهردا"، یهکێتی ئوروپا له بهرانبهر پێشێلکردنی مافی مرۆڤ له ناوچه کوردییهکان کوردستانی رۆژههڵات رۆژههڵات نیگهرانی خۆی دهربڕیوه و داوایکردووه ئیعدامی 5 کهس له ههڵسووڕانی مافی مرۆڤ که کورد رابگیردرێ. فهرانسه بهڕێوهبهری ئێستای سهرۆکایهتی یهکێتی ئوروپا، رۆژی چوار شهممه له بهیاننامهیهکدا توویهتی:"یهکێتی ئوروپا نیگهرانی قووڵی خۆی له حهولهکانی هێزهکانی رێژیم به دژی دانیشتوانی کوردستان دهربڕیوه". له بهیاننامهکهدا له سهر دهرکردنی حوکمی ئیعدامی "فهرزاد کهمانگهر"، " فهرهاد وهکیلی"، " عهلی حهیدهری"، " هیوا بوتیمار" و " ئهنوهر حسهین پهناهی" ناڕهزهیاتی خۆی دهربڕیوه و داوایکردوه ئیعدام کردنیان رابگیردرێ. |
||
|
|
درباره |
|
سهرکهوێ خهباتی یهکیهتی لاوانی پارتی ئازادیی کوردستان له پێناو دامهزراندنی کۆمارێکی دیکهی کوردستاندا |
||
|
|
|
|
|
صفحه نخست پست الکترونیک آرشیو وبلاگ عناوین مطالب وبلاگ |
||
|
|
نوشته های پیشین |
|
|
11/21/2008 - 12/20/2008 7/22/2008 - 8/21/2008 6/21/2008 - 7/21/2008 3/20/2008 - 4/19/2008 2/20/2008 - 3/19/2008 1/21/2008 - 2/19/2008 12/22/2007 - 1/20/2008 11/22/2007 - 12/21/2007 10/23/2007 - 11/21/2007 9/23/2007 - 10/22/2007 8/23/2007 - 9/22/2007 6/22/2007 - 7/22/2007 3/21/2007 - 4/20/2007 |
||
|
|
پیوندها |
|
|
پارتی ئازادیی کوردستان پارتی ئازادیی کوردستان کومیتهی ئهمریکا |
||
|
|
|
|
|
POWERED BY
BLOGFA.COM |
||